Project K: పాన్-ఇండియా స్టార్ ప్రభాస్ బ్యాక్-టు-బ్యాక్ సినిమాల షూటింగ్‌లో చాలా బిజీగా ఉన్నారు మరియు ప్రాజెక్ట్-కె అతని కెరీర్‌లో అత్యంత ఆసక్తికరమైన ప్రాజెక్ట్‌లలో ఒకటి. బాలీవుడ్ బ్యూటీ దీపికా పదుకొణె కథానాయికగా నటిస్తున్న ఈ చిత్రానికి నాగ్ అశ్విన్ దర్శకత్వం వహిస్తున్నారు.
ఇటీవలి ఇంటర్వ్యూలో, చిత్ర నిర్మాత అశ్విని దత్ మాట్లాడుతూ, ఈ చిత్రం జనవరి 2023 చివరి నాటికి ముగుస్తుందని, పోస్ట్ ప్రొడక్షన్ మరియు VFX పనులు మరో 8 నెలలు పడుతుందని వెల్లడించారు. అక్టోబర్ 18, 2023న అంటే ప్రభాస్ పుట్టినరోజుకు ఒక వారం ముందు సినిమా విడుదలవుతుందని చిత్ర నిర్మాత ధృవీకరించారు. ఒక వేల సాంకేతిక కారణాలవల్ల కాకపోతే 2024 జనవరిలో సినిమా విడుదలవుతుందని నిర్మాత తెలిపారు.
ప్రాజెక్ట్-కె గురించి అశ్విని దత్ మాట్లాడుతూ, ఈ చిత్రంలో ప్రభాస్ సూపర్ హీరో తరహాలో పాత్రను పోషించారని మరియు అమితాబ్ బచ్చన్ మునుపెన్నడూ లేని పాత్రలో కనిపిస్తారని అన్నారు. ఈ సినిమా సంచలనంగా మారుతుందని అశ్వినీదత్ పేర్కొన్నారు. ఈ సినిమా షూటింగ్ ప్రస్తుతం హైదరాబాద్‌లో జరుగుతోంది. మెగా సినిమాకి సంబంధించిన మరిన్ని ఇంట్రెస్టింగ్ అప్ డేట్స్ త్వరలో విడుదల కానున్నాయి.
