Prabhas: సలార్ సినిమాను త‌లుచుకుంటే రాజ‌మ‌న్నార్ పాత్రలో లివ్ అప్ చేయాలంటే చాలా కష్టం. కానీ డైరెక్ట‌ర్ ప్ర‌శాంత నీల్‌పై పెద్ద న‌మ్మ‌కం ఉంది. ప్రశాంత్ కూడా ఈ పాత్రపై చాలా క్లారిటీగా ఉన్నాడు.
జగపతి బాబు గురించి టాలీవుడ్ ప్రేక్ష‌కుల‌కు ప్ర‌త్యేక‌మైన ప‌రిచ‌యం అవసరం లేదు. హీరోగా న‌టించిన సినిమాలకు ఎక్కువ ఫ్యామిలీ ఆడియన్స్ ఆధరణ ఉండేది. జగపతి బాబు ప్రస్తుతం విల‌న్‌గా మారారు. ప్ర‌తినాయ‌కుడిగా తెలుగు, తమిళం, మలయాళం, కన్నడం భాష ప్రేక్ష‌కులలను మెప్పించ‌డ‌మే కాకుండా అన్నీ భాషలో మంచి గుర్తింపు తెచ్చుకున్నారు జగపతిబాబు. విల్లాన్ తో పాటు క్యారెక్టర్ ఆర్టిస్ట్‌గానూ అలరిస్తూ వైవిధ్య‌మైన పాత్ర‌ల‌తో ఆక‌ట్టుకుంటోన్న జగపతిబాబు తాజాగా ఓ ఇంట‌ర్వ్యూలో మాట్లాడుతూ ఈ మ‌ధ్య తాను పోషిస్తున్న పాత్ర‌ల‌న్నీ బాగానే ఉన్నాయి కానీ ప‌వ‌ర్‌ఫుల్‌గా అనిపించ‌లేద‌నే మీనింగ్ తో మాట్లాడారు.
ఈ ఇంట‌ర్వ్యూలో బాలీవుడ్ సినిమాల్లో మీరు ఎప్పుడు క‌నిపించ‌బోతున్నార‌ని ఓ ప్రశ్న ఆడగకా. ‘‘ఏదో అవకాశం వ‌చ్చింది కదా, డబ్బు కోసం ఓకే చెప్పాల‌ని అనుకోవ‌డం లేదు. నా క్యారెక్టర్ బలంగా ఉండాలి, ఆ పాత్రకు ఇంపార్టెన్స్ ఉంద‌నిపిస్తే బాలీవుడ్ సినిమాల్లో న‌టిస్తాను. ప్రస్తుతం కొన్ని హిందీ సినిమాలకు సంబంధించిన చ‌ర్చ‌లు జ‌రుగుతున్నాయి. అందులో నా క్యారెక్టర్ నచ్చింది 2022లో తప్పకుండా బాలీవుడ్ సినిమాలో ఎంట్రీ ఇస్తాను అన్నారు జగపతి బాబు.
తరువాత ప్రశ్నగా సలార్ మూవీలో మీ పాత్ర ఎలా ఉంటుంది అని ఆడగకా. దానికి సమాదనంగా జగపతి బాబు మాట్లాడుతూ నిజానికి చెప్పాలంటే లుక్ కోసం ఏదో వెరైటీగా ఉండాల‌ని కొత్తగా ట్రై చేశారు. ఆ లుక్ చాలా బాగా వ‌చ్చింది. మరి షూటింగ్ స‌మ‌యానికి అది సినిమాలో ఎలా వస్తుందో చూడాలి మరి అదే నా ప్రస్తుత భయం కూడా అన్నారు. అంతే కాదు సలార్ సినిమాను త‌లుచుకుంటే రాజ‌మ‌న్నార్ పాత్రలో లివ్ అప్ చేయాలంటే చాలా చాలా కష్టం. కానీ డైరెక్ట‌ర్ ప్ర‌శాంత నీల్‌పై పెద్ద న‌మ్మ‌కం ఉంది. ప్రశాంత్ కూడా ఈ పాత్రపై చాలా క్లారిటీగా ఉన్నాడు. త‌ను ఈ పాత్ర‌ను చాలా ప‌వ‌ర్‌ఫుల్‌గా చూపిస్తాడు. కాబ‌ట్టి నా పాత్ర‌ను స్క్రీన్ పై ఎలా చూపిస్తాడో చూడాలి. ఈ సినిమాతో నటుడిగా నేను మరో మెట్టు ఎక్కుతాననే అనుకుంటున్నాను. ఇంత వరకు నా క్యారెక్టర్ సంబంధించిన షూటింగ్ ఇంకా మొదలవ్వలేదు త్వ‌ర‌లోనే స్టార్ట్ అవ్వబోతుంది అన్నారు జగపతి బాబు.
KGF Chapter 1 హిట్ తో పాన్ ఇండియా రేంజ్‌లో హీరో య‌ష్‌ స్టార్ ధమ్ తెచ్చుకున్నారు. ఈ ఏడాది ఏప్రిల్ 14న KGF Chapter 2తో తన రేంజ్ ను పెంచుకొనున్నారు. ఈ సినిమాపై ఆడియన్స్ అంచనాలు ఆకాశాన్ని తాకాయి. మరి సినిమా ఆ రోజు కోసం వేచి చూడాలి. ప్రస్తుతం ప్రశాంత్ నీల్ ద‌ర్శ‌క‌త్వంలో పాన్ ఇండియా స్టార్ ప్రభాస్ హీరోగా కె.జి.య‌ఫ్ నిర్మాత‌లు హోంబ‌లే ఫిలింస్ విజ‌య్ కిర‌గందూర్ భారీ బడ్జెట్లో ‘సలార్’ సినిమా చేస్తున్న సంగతి అందరికీ తెలిసిందే. ఈ చిత్రంలో జగపతి బాబు రాజ మన్నార్ అనే పాత్ర‌ను పోషిస్తున్నారు. శ్రుతి హాస‌న్ ప్రభాస్ పక్కన హీరోయిన్‌గా న‌టిస్తోంది. సలార్ చిత్రాన్ని ఈ ఏడాదిలోనే రిలీజ్ చేయ‌డానికి మేక‌ర్స్ గట్టిగా ప్లాన్ చేస్తున్నారు. మరి ప్రభాస్ అభిమానులకు ఈ ఏడాది పండగే అని చెప్పాలి.
