NTR: ప్ర‌భుత్వాన్ని వ్య‌తిరేకించి పేద విద్యార్థుల‌కు అండ‌గా ఎన్టీఆర్ పోరాడనున్నారని సోషల్ మీడియాలో హాల్ చల్ చేస్తున్న న్యూస్ వెనుక ఉన్న అసలు విషయం ఇది. ఎన్టీఆర్ త‌న నెక్ట్స్ మూవీలో విద్యార్థి నాయకుడిగా, పేద విద్యార్థుల‌కు అండ‌గా పోరాటం చేయ‌బోతున్నారని టాలీవుడ్ స‌మాచారం .
అసలు విషయానికి వస్తే ఎన్టీఆర్, కొరటాల శివ కాంబినేష‌న్‌లో త్వ‌ర‌లోనే స్టార్ కానున్న సంగ‌తి అందరికీ తెలిసిందే. ఎన్టీఆర్ ఈ సినిమాలో ఓ బ‌స్తీ నుంచి చ‌దువుకుని మంచి మెరిట్ స్టూడెంట్‌గా ఎదుగుతారు. రాజ‌కీయ నాయ‌కులు వ‌ల్ల విద్యార్థుల చ‌దువుకు ఆటంకం ఏర్ప‌డుతుంది. ఆ సమయంలో ఎన్టీఆర్ స్టూడెంట్‌ కి అండ‌గా నిల‌బ‌డి పోరాటం చేస్తాడని టాక్ టాలీవుడ్ లో గట్టిగా వినిపిస్తుంది. ఈ సినిమాలో ఎన్టీఆర్ విద్యార్థి నాయకుడి పాత్రను పోషించనున్నారట. ఎన్టీఆర్, కొరటాల శివ వీరిద్ద‌రి కాంబినేష‌న్‌లో రూపొందిన జ‌న‌తా గ్యారేజ్ చిత్రంలోనూ ఎన్టీఆర్ విద్యార్థి నాయకుడి పాత్రను పోషించారు. అందులో ప్ర‌కృతి కోసం పోరాడే నాయకుడిగా ఎన్టీఆర్ క‌నిపించారు. ఇప్పుడు ఇందులో స్టూడెంట్‌ కోసం పోరాడే నాయకుడిగా కినిపించపోతున్నారు. ఈ సినిమాలో కొరటాల శివ ఎక్కువ‌గా పొలిటిక‌ల్ ట‌చ్ గట్టిగా ఇవ్వనున్నారని స‌మాచారం వినిపిస్తుంది.
ఎన్టీఆర్ ఫ్యాన్స్ RRR కోసం ఆకాశం అంతా ఎత్తున ఎదురు చూస్తున్నారన్న విషయం అందరికీ తెలుసు. ఈ సినిమాలో ఎన్టీఆర్ కొమురం భీమ్‌గా నటించారు. మరి ఇదేలాగా రామ్ చరణ్ అభిమానులు కూడా ఆసక్తిగా ఎదురుచూస్తున్నారు. రాజమౌళి తెరకెక్కించిన RRR సినిమాకు సంబంధించిన పనులు పూర్తి అయి సినిమా విడుదలకు సిద్దంగా ఉండడంతో ఎన్టీఆర్ త‌న త‌దుప‌రి సినిమాపై ఫోక‌స్ చేస్తున్నారు. ప్రస్తుతం ఈ సినిమాకు సంబంధించిన ప్రీ ప్రొడక్షన్ పనులు శరవేగంగా జరుగుతున్నాయి. RRR సినిమా పాన్ ఇండియా సినిమా కావడంతో ఈ సినిమా కూడా పాన్ ఇండియా రేంజ్‌లోనే సినిమాను ప్లాన్ చేస్తున్నారు. అందుకు తగ్గట్టే స్క్రిప్ట్‌ను కొరటాల ప్లాన్ చేశారట. ఈ సినిమా యువ సుధ ఆర్ట్స్, ఎన్టీఆర్ ఆర్ట్స్ బ్యాన‌ర్స్‌పై తెర‌కెక్క‌నుంది. ఈ సినిమాలో ఆలియా భ‌ట్ హీరోయిన్‌గా న‌టించ‌నుంది. ఈ సినిమాలో మరో ప్రత్యేకత మ్యూజిక్ డైరెక్ట‌ర్‌గా అనిరుధ్ ర‌విచంద్ర‌న్‌ చేయనున్నారని టాక్ అయితే టాలీవుడ్ వినిపిస్తుంది.
