Kamal Haasan : ప్రపంచ నాయకుడు కమల్ హాసన్, లోకేష్ క‌న‌క‌రాజ్ ద‌ర్శ‌క‌త్వంలో నటించిన విక్రమ్ సినిమా జూన్ 3న విడుద‌లై కోలీవుడ్‌లో వ‌సూళ్ల ప‌రంగా ఈ సినిమా కొత్త రికార్డుల‌ను క్రియేట్ చేస్తోంది. ఇప్ప‌టికే విక్రమ్ సినిమా రూ.300 కోట్ల రూపాయ‌ల దాటేసింద‌ని సినీ ట్రేడ్ వ‌ర్గాలు చెబుతున్నాయి.
లోకేష్ క‌న‌క‌రాజ్ ద‌ర్శ‌క‌త్వంలో ప్రపంచ నాయకుడు కమల్ హాసన్ టైటిల్ పాత్ర‌లో నటించిన తాజా చిత్రం విక్రమ్. ఈ చిత్రం, తమిళం తెలుగు, హిందీ జూన్ 3న విడుద‌లై ప్రేక్ష‌కుల‌ను ఆక‌ట్ట‌కుంటోంది. చాలా కాలం తరువాత కోలీవుడ్‌లో వ‌సూళ్ల ప‌రంగా విక్రమ్ సినిమా కొత్త రికార్డుల‌ను క్రియేట్ చేస్తోంది. ఈ సినిమా ఇప్ప‌టికే రూ.300 కోట్ల రూపాయ‌లు దాటేసింద‌ని సినీ ట్రేడ్ వ‌ర్గాలు చెబుతున్నాయి. ఈ విక్రమ్ సినిమా త‌మిళ‌నాడులో ఓ సెన్సేష‌న‌ల్ సినిమా క్రియేట్ చేసిన వ‌సూళ్ల రికార్డుని బ్రేక్ చేసింది. మరి ఇంత‌కీ విక్రమ్ సినిమా క్రాస్ చేసిన ఆ సినిమా ఏదో కాదండీ మన రాజమౌళి తెర‌కెక్కించి బాక్స్ ఆఫీస్ లో కొత్త రికార్డు క్రియేట్ చేసిన బాహుబ‌లి 2 అవ్వడం విశేషం.
బాహుబ‌లి 2 త‌మిళ‌నాడులో ఏకంగా రూ.150 కోట్ల మేర‌కు వ‌సూళ్ల చేసింది. ఐతే దాదాపు ఐదేళ్ల పాటు ఆ సినిమా ద‌గ్గ‌ర‌కు మ‌రో సినిమా రాలేదంటే బాహుబ‌లి 2 ఏ రేంజ్‌లో ఎఫెక్ట్ చూపించిందో మనకు తెలుస్తుంది. ప్రస్తుతం ఐదేళ్ల త‌ర్వాత విక్రమ్ మూవీ వ‌సూళ్ల ప‌రంగా బాహుబ‌లి 2 రికార్డుల‌ను బద్దలు చేసి కొత్త రికార్డు క్రియేట్ చేస్తుంది. ఇది ప్రపంచ నాయకుడు కమల్ హాసన్ ఫ్యాన్స్‌కు చాలా సంతోషాన్ని క‌లిగిస్తుంది. ఇప్ప‌టికే విక్రమ్ మూవీ టీంతో కమల్ హాసన్ సక్సెస్ పార్టీలు చేస్తున్నారు. విక్రమ్ చిత్రంలో న‌టిచంచిన ప్ర‌ధాన న‌టీన‌టుల‌కు గిఫ్టుల‌ను ఇచ్చి వారిని ఉచ్చాహా పరుస్తున్నారు. అంతే కాకుండా మూవీ టీమ్‌తో క‌లిసి సక్సెస్ సెల‌బ్రేష‌న్స్‌ను కమల్ హాసన్ ఘ‌నంగా చేసుకున్న సంగ‌తి తెలిసిందే.
ఇక మ‌రో వైపు ఈ సినిమాను థియేట‌ర్‌లోకి వెళ్లలేని ప్రేక్ష‌కులు ఎప్పుడు ఓటీటీలో రిలీజ్ అవుతుందా? అని ఆస‌క్తిగా ఎదురు చూస్తున్నా అభిమానులకు గుడ్ న్యూస్ వచ్చేసింది. ప్రస్తుతం తాజాగా వినిపిస్తోన్న స‌మాచారం ప్రకారం జూలై 8న ఒక ప్ర‌ముఖ డిజిట‌ల్ సంస్థ డిస్నీ హాట్ స్టార్‌లో విక్రమ్ సినిమా ప్రేక్ష‌కుల‌కు అందుబాటులోకి రానుంద‌ని స‌మాచారం.
ఈ విక్రమ్ చిత్రంలో కమల్ హాస‌న్‌తో పాటు విజ‌య్ సేతుప‌తి, ఫ‌హాద్ ఫాజిల్ త‌దిత‌రులు కీల‌క పాత్ర‌ల్లో న‌టించడంతో పాటు ఈ చిత్రంలో హీరో సూర్య గెస్ట్ అప్పియ‌రెన్స్‌లో అల‌రించిన సంగ‌తి మన అందరికీ తెలిసిందే.
