మాస్ స్టెప్పులైనా, క్లాస్‌ స్టెప్పులైనా రామ్ చరణ్, ఎన్టీఆర్ డ్యాన్సుల్లో ఇద్దరూ ఇద్దరే. ఏ ఒక్కరినీ తక్కువ చేయలేం ఏ ఒక్కరినీ ఎక్కువ చేయలేం.
ఈ ఇద్దరు నాటు స్టెప్పులు వేయిస్తే ఎలా ఉంటుందో చూసే రోజులు దగ్గరొచ్చాయి. ఆర్ఆర్ఆర్ సినిమా నుంచి తాజాగా రెండో పాట విడుదలైంది. దోస్తీ అనే పాట ఇప్పటికీ మార్మోగిపోతోనూ ఉంది. లిరికల్ వీడియోలో రామ్ చరణ్, ఎన్టీఆర్ కలిసి వచ్చే విజువల్ మైండ్‌బ్లోయింగ్.
అలాంటిది ఇ ఇద్దరు ఓకే స్క్రీన్ లో పక్కపక్కనే పెట్టి పాటను తెరకెక్కించారు. రాజమౌళి గ్రాఫిక్స్ కు అభిమానులు ఫిదా అవుతున్నారు. చంద్రబోస్ సాహిత్యం, రాహుల్ సిప్లిగంజ్, కాళ భైరవ వాయిస్, కీరవాణి మ్యూజిక్ అన్నీ అదిరిపోయాయి. అన్నింటి కంటే ఎక్కువగా రామ్ చరణ్, ఎన్టీఆర్‌లు కలిసి వేసిన స్టెప్పులకు నిజంగానే దుమ్ములేచిపోయింది.
బ్రిటీష్ రాజులను అలరించేందుకు ఇలా ఈ ఇద్దరూ కలిసి డ్యాన్సులు వేసినట్టు కనిపిస్తోంది. ఇందులోనూ ఏదో ఒక మతలబు ఉన్నట్టు కనిపిస్తోంది. ప్రేమ్ రక్షిత్ మాస్టర్ కంపోజ్ చేసిన మాస్ నాటు స్టెప్పులు హీరోలిద్దరూ దంచి కొట్టేశారు. మొత్తానికి థియేటర్లు మాత్రం దద్దరిల్లిపోవడం ఖాయమనిపిస్తోంది.
