100 కోట్ల యూట్యూబ్ వ్యూస్ దాటిన తొలి సౌత్ ఇండియా సినిమా పాటగా రౌడీ బేబీ రికార్డు చేసింది.
ధనుష్, సాయిపల్లవి కాంబోలో తెరకెక్కిన చిత్రం ‘మారి 2’. అయితే ఈ చిత్రం ఆశించినంతగా ప్రేక్షకులను ఆకట్టుకోలేకపోయింది. కానీ ఆ సినిమాలోని ‘రౌడీ బేబీ’ పాట మాత్రం సోషల్‌ మీడియాలో రికార్డుల మీద రికార్డు క్రియేట్ చేస్తూనే ఉంది. తాజాగా రౌడీ బేబీ పాట యూట్యూబ్‌లో 100 కోట్లు వ్యూస్ తో కొత్త రికార్డు చేసింది. ఈ సందర్భంగా హీరోయిన్ సాయిపల్లవి, చిత్రనిర్మాణ సంస్థ ట్విట్టర్ లో అనందాన్ని వ్యక్తం చేశారు.
ఈ సినిమాను బాలాజీ మోహన్ దర్శకత్వం వహించారు. యువన్ శంకర్ రాజా సంగీతం అందించగా, రౌడీ బేబీ పాటకు ప్రభుదేవా కొరియోగ్రఫీ చేశారు. ఇందులో సాయిపల్లవి, ధనుష్ డ్యాన్స్‌ ఎన్నిసార్లు చూసినా ప్రేక్షకు బోర్ కొట్టకుండా ఫ్రెష్‌గా కనిపించడం ఈ పాట ప్రత్యేకత. అందుకే యూట్యూబ్‌లో 100 కోట్ల వ్యూస్ వచ్చిన తొలి సౌత్ సినిమా పాటగా రికార్డు చేసింది.
