2018 సంవత్సరంలో ప్రశాంత్‌ నీల్ దర్శకత్వంలో యశ్ హీరోగా నటించిన చిత్రం కేజీఎఫ్. ఈ సినిమా సూపర్ హిట్ కావడంతో బాక్సాఫీస్ ను షేక్ చేసిన విషయం తెలిసిందే.
తాజాగా ఈ సినిమాకు సీక్వల్‌గా కేజీఎఫ్- 2 తెరకెక్కుతున్న సంగతి అందరికీ తెలిసిందే. డిసెంబర్‌ 21వ తేదీన కేజీఎఫ్- 2 నుంచి ఓ సర్‌ప్రైజింగ్ అప్‌డేట్ ఇవ్వబోతున్నట్లు డైరెక్టర్ తెలిపారు. గతేడాది (2019) అదే డిసెంబర్‌ 21వ తేదీన కేజీఎఫ్- 2 నుంచి యశ్ ఫస్ట్‌లుక్‌ పోస్టర్‌ విడుదల చేశారు. అప్పటినుంచి తదుపరి అప్‌డేట్స్ కోసం ఆసక్తిగా ఎదురు చూస్తున్నారు ప్రేక్షకులు. మళ్ళీ అదే డిసెంబర్‌ 21వ తేదీనే మరో సర్ప్రైజ్ ఉంటుందని ఆయన అధికారికంగా ప్రకటించడం విశేషం.
Also Read: మహేష్ బాబు గ్లామర్‌పై హాట్ కామెంట్ చేసిన సాయి పల్లవి
తన ట్విట్టర్ ఖాతాలో ట్వీట్ చేసిన ప్రశాంత్‌ నీల్. ”కేజీఎఫ్-2 షూటింగ్ చివరి దశకు చేరింది. ప్రతిఏడాది డిసెంబర్‌ 21న అభిమానులను సర్ప్రైజ్ చేసిన మేము ఈ సారి కూడా ఫాలో అవుతున్నాం. డిసెంబర్‌ 21న ఉదయం 10 గంటల 8 నిమిషాలకు స్పెషల్‌ సర్ప్రైజ్ ఇవ్వబోతున్నాం. సినిమా కోసం ఎంతో ఆసక్తిగా ఎదురుచూస్తున్న ప్రతి ఒక్కరికీ కృతజ్ఞతలు” అని ట్విట్ చేశారు. ఈ ట్వీట్ తో ప్రేక్షకుల్లో ఆసక్తి మరింత పెరిగింది.
Also Read: ‘లూసిఫర్’ రీమేక్ సినిమాకి దర్శకుడిని ఫైనల్ చేసిన మెగాస్టార్
తెలుగు, తమిళ, మలయాళ, కన్నడ, హిందీ భాషల్లో రూపొందుతున్న ఈ చిత్రంలో యశ్ సరసన శ్రీనిధి శెట్టి హీరోయిన్‌గా నటిస్తుండగా.. బాలీవుడ్‌ నటుడు సంజయ్‌దత్‌ ఈ సినిమాలో అధీరాగా డిఫరెంట్ లుక్‌లో విలన్ పాత్ర పోషిస్తున్నారు. రవీనా టండన్‌ మరో కీలకపాత్ర పోషిస్తోంది.
