పవర్ స్టార్ పవన్ కల్యాణ్ కొంత విరామం తరువాత భారీ అంచనాల మధ్య నటిస్తున్న చిత్రం `వకీల్సాబ్`. ఈ చిత్రాన్ని దిల్ రాజుతో కలిసి బోనీ కపూర్ నిర్మిస్తున్నారు. బాలీవుడ్ హిట్ సినిమా ‘పింక్’ ఆధారంగా ఈ చిత్రాన్ని తెరకెక్కిస్తున్న విషయం అందరికీ తెలిసిందే. వేణు శ్రీరామ్ దర్శకత్వం వహిస్తున్న ఈ సినిమా షూటింగ్ చివరి దశకు చేరుకుంది. ఇటీవలే చివరి షెడ్యూల్ ని చిత్ర బృందం ప్రారంభించింది. పవన్ మాత్రం ఇంకా సెట్ లో అడుగుపెట్టలేదు. వచ్చే నెల నుంచి పవన్ ఎంటర్ కాబోతున్నారు. నెల ఆఖరి వరకు షూట్ కొనసాగనుంది. అంజలి. నివేదా థామస్. ప్రకాష్రాజ్ కీలక పాత్రల్లో నటిస్తున్నారు. పవన్ కు జోడీగా ఫ్లాష్ బ్యాక్ ఎపిసోడ్ లో శృతిహాసన్ నటించనుందని వార్తలు వినిపిస్తున్నాయి.
ఇప్పటి వరకు ఈ సినిమాకి సంబంధించిన లిరికల్ సాంగ్ తో పాటు ఫస్ట్ లుక్ ని మాత్రమే రిలీజ్ చేశారు. టీజర్ మాత్రం ఇంత వరకు రాలేదు. దీని కోసం ఫ్యాన్స్ అంతా ఎదురుచూస్తున్నారు. టీమ్ కూడా టీజర్ రిలీజ్ చేసే ప్రయత్నాల్లో వున్నట్టు తెలిసింది. కీలక షాట్ లతో టీజర్ ని అదిరిపోయే రేంజ్ లో సిద్ధం చేస్తున్నారట. థమన్ నేపథ్య సంగీతం అందిసంతున్నాడు. అయితే దీన్ని ఎప్పుడు రిలీజ్ చేస్తారన్నది మాత్రం ఇంకా క్లారిటీ లేదు. దీంతో పవన్ ఫ్యాన్స్ అయోమయంలో వున్నారట.
