రజనీ కాంత్ హీరోగా పి. వాసు దర్శకత్వంలో 2005 లో కోలీవుడ్‌తోపాటు టాలీవుడ్‌లో బిగ్గెస్ట్ హిట్‌గా నిలిచిన మూవీ ‘చంద్రముఖి’. 2005 ఈ సినిమా విడుదలవ్వగా, అప్పటి నుంచి ఈ మూవీ సీక్వెల్‌పై వార్తలు తరచుగా వస్తూనే ఉన్నాయి. చంద్రముఖి సినిమాలో రజనీ కాంత్‌తో పాటు నయనతార, ప్రభు, జ్యోతిక, వడివేలు కీలక పాత్రలు పోషించారు. కామెడీ, హార్రర్‌ గా రూపొంచిన చంద్రముఖి చిత్రం ఇటు అభిమానులను అటు ఆడియన్స్‌ను ఎంతోగానో ఆకట్టుకుని తమిళంలో 890 రోజులు థియేటర్ లో ప్రదర్శంచి బ్లాక్ బాస్టర్ హిట్ గా నిలిచింది.
ప్రస్తుతం తాజాగా ‘చంద్రముఖి-2’ సినిమాపై అధికారిక ప్రకటన వచ్చేసింది. ప్రముఖ నిర్మాణ సంస్థ లైకా ప్రొడక్షన్స్ ఈ చిత్రాన్ని నిర్మిస్తోంది. ఈ చిత్రంలో హీరోగా రజనీకాంత్ స్థానంలో రాఘవ లారెన్స్ హీరోగా నటిస్తున్నట్లు మూవీ మేకర్స్ అధికారికంగా ప్రకటించారు. వరుసగా హర్రర్, కామెడీ చిత్రాలతో తనకంటూ ఒక స్టైల్ క్రియేట్ చేసిన లారెన్స్, చంద్రముఖి చిత్రాన్ని దర్శకత్వం వహించిన పి.వాసు ఈ చిత్రాన్ని తెరకెక్కించనున్నారు. టైమింగ్‌ కామిడియన్ వడివేలు పార్ట్‌-2లో మరోసారి అభిమానులను నవ్వుల సునామీలో ముంచెత్తానున్నారు.
చంద్రముఖి చిత్రాన్ని శివాజీ ప్రొడక్షన్స్ లో ప్రభు నిర్మించిన విషయం అందరికీ తెలిసిందే. ఇప్పుడు చంద్రముఖి – 2 ని లైకా ప్రొడక్షన్స్ నిర్మిస్తుంది. ఈ చిత్రానికి ఆర్‌డీ రాజశేఖర్‌ కెమెరామెన్‌గా, ప్రముఖ సంగీత దర్శకుడు ఎంఎం కీరవాణి సంగీతం అందిచనున్నారు.ఇది వరకు పి.వాసు, విక్టరీ వెంకటేశ్ కాంబినేషన్‌లో వచ్చిన ‘నాగవల్లి’ సినిమా చంద్రముఖి మూవీకి సీక్వెల్‌గా ప్రచారం జరిగింది. మూవీ బాక్సాఫీసు వద్ద బోల్తా కొట్టిం నాగవల్లి సినిమా ఆశించిన విజయం సాధించకపోవడం విశేషం.
