Megastar Chiranjeevi: డైరెక్ట‌ర్ బాబీ, మెగాస్టార్ చిరంజీవి కాంబినేష‌న్‌లో ఓ చిత్రం రూపొందుతోన్న సంగ‌తి మన అందరికీ తెలిసిందే. ఈ సినిమా కి ‘వాల్తేరు వీరయ్య’ అనే టైటిల్ చ‌క్క‌ర్లు కొడుతుంది. కానీ ఈ టైటిల్‌ను ఇంకా అధికారికంగా ప్ర‌క‌టించ‌లేదు.  

డైరెక్ట‌ర్ బాబీ దర్శకత్వంలో మెగాస్టార్ చిరంజీవి నటనలో ఓ సినిమా రూపొందుతోన్న సంగ‌తి తెలిసిందే. ఈ సినిమా టైటిల్‌ ఇంకా అధికారికంగా ప్ర‌క‌టించ‌లేదు. కానీ టాలీవుడ్ లో ‘వాల్తేరు వీరయ్య అనే టైటిల్ అయితే వైరల్ అవుతుంది. మెగాస్టార్ చిరంజీవి ఈ సినిమా షూటింగ్‌ను శ‌ర‌వేగంగా పూర్తి చేస్తున్నారు. చాలా కాలం త‌ర్వాత మెగాస్టార్ చిరంజీవి ప‌క్కా మాస్ లుక్‌లో అభిమానులను కుషీ చేయడానికి సిద్దమౌతున్నారు. ఈ చిత్రం మ‌లేషియాలోనూ కొన్ని రోజుల పాటు షూటింగ్ జ‌రిగింది. మరి కొన్ని రోజులు ఈ చిత్రం చెన్నైలో భారీ సెట్ వేసి అక్క‌డ షూటింగ్ చేశారు.

తాజాగా ఈ చిత్రానికి సంబంధించిన రిలీజ్ డేట్‌పై చిత్ర యూనిట్ అప్‌డేట్‌ను అనౌన్స్ చేసింది. వాల్తేర్ వీర‌య్య చిత్రాన్ని వ‌చ్చే ఏడాది సంక్రాంతికి విడుద‌ల చేయ‌డానికి రెడీ అవుతున్నట్టు మైత్రీ మూవీ మేక‌ర్స్‌ పోస్టర్ ను విడుదల చేసింది. 2023 జ‌న‌వ‌రిలో సంక్రాంతికి క‌లుద్దాం అంటూ, మెగాస్టార్ చిరంజీవి ఒక చేతిలో కొక్కెను ప‌ట్టుకున్న పోస్ట‌ర్‌ను విడుద‌ల చేశారు. పోస్ట‌ర్ చూస్తుంటే సినిమాలో మాస్ ఎలిమెంట్స్‌కు కొద‌వేలేద‌న్న విషయం స్ప‌ష్ట‌మ‌వుతుంది. దీంతో వ‌చ్చే ఏడాది సంక్రాంతికి మెగా ఫ్యాన్స్ థియేటర్ ముందు ర‌చ్చ రచ్చ చేయడానికి అభిమానులు కుషీగా ఉన్నట్టు తెలుస్తుంది. ఐతే వ‌చ్చే ఏడాది సంక్రాంతికి భారీ చిత్రాలు బాక్సాపీస్ ద‌గ్గ‌ర పోటీ పడే అవకాశాలు ఉన్నట్టు తెలుస్తుంది.

మెగా ఫ్యామ్లీ హీరోల్లో రామ్ చ‌ర‌ణ్‌, ప‌వ‌న్ క‌ళ్యాణ్‌, అల్లు అర్జున్‌ల‌తో జత కట్టిన శ్రుతీ హాస‌న్ ఇప్పుడు మెగాస్టార్ చిరంజీవితో సైతం జోడీ క‌ట్టింది. ఇందులో ర‌వితేజ చిరంజీవి త‌మ్ముడి ప్రత్యేక పాత్ర‌లో క‌నిపించ‌బోతున్నారు అన్న విషయం విశేషం. రవి తేజ మెగాస్టార్ చిరంజీవి వీర అభిమాని అన్న విషయం మన అందరికీ తెలిసిన విషయం. అయితే త్వ‌ర‌లోనే రవి తేజ కూడా ఈ సినిమా సెట్స్‌లో జాయిన్ కాబోతున్నార‌ని స‌మాచారం.

యంగ్ హీరోలతో పోటీగా మెగాస్టార్ చిరంజీవి వ‌రుస సినిమాలతో ఫుల్ బీసీగా ఉన్నారు. స్పీడు మీదున్నారు మెగాస్టార్‌ చిరంజీవి వ‌రుస‌గా సినిమాల షూటింగ్ పూర్తి చేసుకుంటూ వ‌స్తున్నారు. ఈ ఏడాదిలో ఆయ‌న హీరోగా న‌టించిన ఆచార్య సినిమా విడుద‌లైన సంగ‌తి తెలిసిందే. తాజాగా ఇప్పుడు మోహ‌న్ రాజా ద‌ర్శ‌క‌త్వంలో రూపొందుతోన్న లూసిఫ‌ర్ మలయాళ రీమేక్‌ గాడ్‌ఫాద‌ర్ సినిమా చిత్రీక‌ర‌ణ ద‌శ‌లో ఉంది. అలాగే మరో చిత్రం మెహ‌ర్ ర‌మేష్ ద‌ర్శ‌క‌త్వంలో రూపొందుతోన్న భోళా శంక‌ర్ కూడా సెట్స్‌పై ఉంది. ప్రస్తుతం బాబీ ద‌ర్శ‌క‌త్వంలో వాల్తేరు వీర‌య్య షూటింగ్ పూర్తి చేసుకుంటోంది. ఈ చిత్రాన్ని మైత్రీ మూవీ మేక‌ర్స్ నిర్మిస్తున్నారు.