ఎన్టీఆర్-కొరటాల కాంబోలో పాన్ ఇండియా లెవల్లో తెరకెక్కనున్న చిత్రం NTR 30. ఈ మూవీ కోసం అభిమానులు ఎంతో ఆశగా ఎదురుచూస్తున్నారు.
RRR మూవీ బ్లాక్‌బస్టర్ హిట్ తరువాత ఎన్టీఆర్ వరుస ప్రాజెక్ట్‌లకు అఫిషియల్ అప్డేట్ వచ్చేసింది. కొరటాల శివ దర్శకత్వంలో NTR 30, కేజీఎఫ్ సిరీస్ దర్శకుడు ప్రశాంత్ నీల్ దర్శకత్వంలో NTR 31 సినిమాలకు సంబంధించి అధికారిక ప్రకటన అప్డేట్ ఇచ్చారు. ఎన్టీఆర్ బర్త్ డే సందర్భంగా మోషన్ పోస్టర్ గ్లింప్స్ తో NTR 30 మూవీపై అభిమానులకు అంచనాలను పెంచేసింది. NTR 31 పోస్టర్‌లో మాస్ లుక్‌లో ఎన్టీఆర్ అభిమానుల మనసు కొల్లగొట్టారు.
NTR 30 మూవీ రిలీజ్ డేట్:
ప్రస్తుతం తాజాగా ఎన్టీఆర్-కొరటాల ప్రాజెక్ట్‌కు సంబంధించి టాలీవుడ్ లో ఇంట్రెస్టింగ్ న్యూస్ ఒకటి హల్‌చల్ చేస్తోంది. NTR 30 చిత్రాన్ని పాన్ ఇండియా లెవల్లో కొరటాల శివ తెరకెక్కించారు. ప్రస్తుతం సోషియల్ మీడియాలో NTR 30 రిలీజ్ డేట్ వైరల్ అవుతోంది. ఈ చిత్రం వచ్చే ఏడాది ఎన్టీఆర్ బర్త్ డే మే 20 కానుకగా, ఒక రోజు ముందే మే 19న విడుదల చేసేందుకు చిత్ర యూనిట్ ప్లాన్ చేస్తున్నారని టాలీవుడ్ లో మౌత్ టాక్. ఐతే ఈ చిత్రానికి సంబంధించి అధికారిక ప్రకటన రావాల్సి ఉంది.
ఇది ఇలా ఉండగా మరోవైపు ఈ చిత్రానికి సంబంధించిన హీరోయిన్ ఇంకా ఫిక్స్ అవ్వలేదు. మొదట అలియా భట్‌ను కన్ఫర్మ్ చేసినట్టు ప్రచారం జరిగింది. అయితే అలియా భట్‌ ఇటీవల పెళ్లి చేసుకుని వ్యక్తిగత జీవితంలో బిజీ అవ్వడంతో మరో హీరోయిన్ కోసం చిత్ర యూనిట్ వెతుకుతున్నట్టు సమాచారం. మరోవైపు ప్రస్తుతం ఇటు తెలుగు అటు తమిళంలో టాప్ హీరోయిన్‌గా ఉన్న రష్మిక మందన పేరు పరిశీలనలో ఉన్నట్లు సమాచారం.
NTR 30 చిత్రాన్ని నందమూరి తారకరామారావు ఆర్ట్స్ మరియు యువసుధ ఆర్ట్స్ సంయుక్తంగా నిర్మిస్తుండగా, ఈ చిత్రానికి అనిరుధ్ రవీచందర్ మ్యూజిక్ అందించనున్నారు. వచ్చే ఆగస్టు నుంచి ఈ చిత్రం సెట్స్‌పై వెళ్లే అవకాశాలు ఉన్నాయి. ఈ చిత్రం తరువాత NTR ప్రశాంత్ నీల్ దర్శకత్వంలో బీసీ కానున్నారు.
