Liger trailer release: విజయ్ దేవరకొండ నటించిన క్రేజీ పాన్-ఇండియా ఎంటర్‌టైనర్ లైగర్ (సాలా క్రాస్‌బ్రీడ్) ట్రైలర్ జులై 21, 2022న విడుదల కానుందని అఫీషియల్ అనౌన్స్మెంట్ వచ్చింది. డైనమిక్ డైరెక్టర్ పూరి జగన్నాధ్ ట్రైలర్‌ను లాంచ్ చేయడానికి కొత్త ప్లాన్‌ చేస్తున్నట్టు సమాచారం.
విజయ్ దేవరకొండ, కరణ్ జోహార్, ఛార్మీ కౌర్, మరియు టీమ్ సభ్యుల సమక్షంలో ట్రైలర్ లాంచ్ ఈవెంట్ యొక్క BTS (behind the scenes) వీడియోను మేకర్స్ ఆవిష్కరించారు. ఛార్మి రెండు ఈవెంట్‌లను నిర్వహించాలనే ప్రతిపాదనను ఉంచగా, కరణ్ దానిని ఆమోదించారు మరియు లైగర్ ట్రైలర్ పెద్ద రికార్డు క్రియేట్ చేస్తుందని విజయ్ దేవరకొండ అభిప్రాయాన్ని వ్యక్తపరిచారు.
లైగర్ సినిమా ట్రైలర్ లాంచ్ ఈవెంట్ హైదరాబాద్ RTC X రోడ్స్‌లోని సుదర్శన్ థియేటర్‌లో జూలై 21, 2022న ఉదయం 9:30 గంటలకు జరగనుండగా, అదే రోజు జూలై 21, 2022న ఈవెంట్ ముంబైలోని అంధేరిలోని సినీపోలిస్‌లో రాత్రి 7:30 గంటలకు జరగనుందని తెలియజేశారు.
స్పోర్ట్స్ యాక్షన్ డ్రామాలో బ్యాక్ డ్రాప్ లో జరిగే ఈ చిత్రంలో విజయ్ దేవరకొండ, అనన్య పాండే కథానాయికగా నటిస్తున్నారు. పూరి నెక్ట్స్ మరియు ధర్మ ప్రొడక్షన్స్ భారీ ఎత్తున నిర్మిస్తున్నఈ చిత్రంలో రమ్యకృష్ణ, మైక్ టైసన్, రోనిత్ రాయ్, విషు రెడ్డి, అలీ, మకరంద్ దేశ్ పాండే మరియు గెటప్ శ్రీను కూడా కీలక పాత్రలు పోషిస్తున్నారు. లైగర్ చిత్రం ఆగస్టు 25, 2022న హిందీ, తెలుగు, తమిళం, కన్నడ మరియు మలయాళ భాషల్లో పాన్ ఇండియా చిత్రంగా విడుదల కానుంది.
