నాలుగు భాషలో గర్జించిన భీమ్
మే 20న ఎన్టీఆర్ పుట్టిన రోజు రావలసిన టీజర్ ఇది. కానీ కరోనా కారణంగా టీజర్కు అవసరమైన విజువల్స్ తీసుకునే అవకాశం లేకపోవడంతో చిత్ర బృందం ఏమీ చేయలేకపోయింది. ఈ నెల ఆరంభంలో తిరిగి ‘ఆర్ఆర్ఆర్’ షూటింగ్ మొదలుపెట్టిన రాజమౌళి ఏమాత్రం ఆలస్యం చేయకుండా టీజర్ కు అవసరమైన విజువల్స్ షూట్ చేసేశాడు. గురువారం కొమరం భీమ్ జయంతిని పురస్కరించుకుని ఈ టీజర్ను విడుదల చేయడం విశేషం. ఇక ఈ టీజర్ కోసం ఎంతో ఉత్సాహంతో భారీ అంచనాలతో ఎదురు చూస్తూ వచ్చిన ఎన్టీఆర్ అభిమానులు. టీజర్ చూశాక ఎలా స్పందిస్తున్నారన్నది ఆసక్తికరమైన అంశంగా మారింది. వాళ్ల అంచనాల స్థాయిలో టీజర్ లేదన్న కామెంట్లు ట్విట్టర్లో ఎక్కువగా కనిపిస్తున్నాయి.
భీమ్ టీజర్ చూడడానికి బాగుంది కానీ. సీతారామరాజు టీజర్తో పోలిస్తే కొంచెం దీని రేంజ్ తగ్గిందనే అభిప్రాయం వారిలో వ్యక్తమవుతోంది. రామరాజు పాత్రను ఎలివేట్ చేసిన స్థాయిలో దీన్ని ఎలివేట్ చేయట్లేదని ఎన్టీఆర్ అభిమానుల అబిప్రాయం. రామరాజు టీజర్కు చరణ్ స్క్రీన్ ప్రెజెన్స్ ఎంత సెట్ అయిందో అంతకుమించి ఎన్టీఆర్ వాయిస్ ఓవర్ ప్లస్ అయింది. భీమ్ టీజర్లో చరణ్ వాయిస్ సెట్ అవ్వలేదని, ఎన్టీఆర్ లాగా టీజర్ను ఎలివేట్ చేయలేకపోయాడని అభిమానులు విమర్శిస్తున్నారు. ట్విట్టర్లో ఎక్కువగా ఇలాంటి కామెంట్లే కనిపిస్తున్నాయి. వాళ్లను కౌంటర్ చేస్తూ చరణ్ అభిమానులు కూడా కామెంట్లు పెడుతున్నారు. ఎన్టీఆర్ అభిమానులు రాజమౌళిని తిడుతున్న వాళ్లు కూడా ఉన్నారు. ఐతే భారీ అంచనాలతో చూడటం వల్ల ఇనీషియల్ రియాక్షన్ ఇలా ఉన్నప్పటికీ.. తర్వాత ఎన్టీఆర్ అభిమానుల అభిప్రాయం మారే అవకాశం ఎంతో దూరంలో లేదనే చెప్పాలి.
