అల్లు అర్జున్ ఫ్యామిలీ చాలా సంతోషంగా ఉంది. ఇందుకు కారణం అల్లు అర్జున్ వారసురాలు అర్హ. సాదారణంగా అర్హ చేసే సంద‌డితో ఎప్పుడూ న‌వ్వుతుండే అల్లు అర్జున్, స్నేహ ఇప్పుడు వారి సంతోషం ఇంకా ఎక్కువైంది.
అల్లు అర్హ చేసే అల్ల‌రి గురించి ప్ర‌త్యేకంగా చెప్పే అవసరంలేదు. అల్లు అర్జున్, స్నేహ‌లు సోషల్ మీడియా ద్వారా అల్లు అర్హ అల్ల‌రిని షేర్ చేస్తుంటారు. ఇప్పుడు అల్లు అర్హ ఓ రికార్డ్‌ను సాధించింది. అత్యంత చిన్న వయసులోనే ఇత‌రుల‌కు చెస్‌లో శిక్ష‌ణ‌ను ఇస్తూ అందరి దృష్టిని తన వైపు ఆక‌ర్షించి, నోబుల్ బుక్ రికార్డ్స్‌లో చోటు సంపాదించుకుంది. ఓ చెస్ అకాడ‌మీలో అల్లు అర్హ శిక్ష‌ణ‌ను పొందింది. ఇప్పుడు ఇత‌రుల‌కు చెస్‌లో శిక్ష‌ణ ఇవ్వ‌డం ప్రారంభించింది.
ట్రైనింగ్ ఇవ్వ‌డంలో రెండు నెల‌ల్లోనే 50 మందికి పైగా చెస్‌లో శిక్ష‌ణ‌ను ఇచ్చింది. అల్లు అర్హ ప్ర‌తిభ‌ను గుర్తించిన నోబుల్ బుక్ ఆఫ్ వరల్డ్ రికార్డ్ ప్ర‌తినిధులు నేరుగా అర్హ చెస్ స్కిల్స్‌ను ప‌రీక్షించారు. అందులో అర్హ నెగ్గడమే కాకుండా, చిన్న వ‌య‌సులో చెస్ ట్రైన‌ర్‌గా రికార్డ్‌ను సాధించింది. నోబుల్ బుక్ ఆఫ్ వరల్డ్ రికార్డ్ ప్ర‌తినిధులు ఈ అవార్డును అందించారు.
తాజాగా గుణ శేఖ‌ర్ ద‌ర్శ‌క‌త్వంలో రూపొందుతోన్న పాన్ ఇండియా మూవీ శాకుంత‌లంలో చిన్న‌నాటి భ‌ర‌తుడి పాత్ర‌లో అల్లు అర్హ న‌టించింది. స‌మంత వంటి స్టార్ హీరోయిన్ సైతం ఆమె న‌ట‌న‌ను చూసి ఆశ్చ‌ర్య‌పోయిన‌ట్లు తెలియ‌జేసింది. మ‌రో వైపు అయాన్ కూడా వ‌రుణ్ తేజ్ గ‌ని కోసం టైటిల్ ట్రాక్‌లో రీసెంట్‌గా న‌టించారు.
