సమంత: నాతో ఎంజావయమెంట్ మామూలుగా ఉండదు.
బిగ్ బాస్ షో ప్రారంభం నుంచి రక్తి కట్టిస్తున్న నాగార్జున స్థానంలో వేరొకరు రాబోతున్నారు. గత రెండు మూడు రోజుల నుంచి వింటూన్న ఆ వార్తలు ఇప్పుడు నిజమయ్యాయి. నాగార్జున స్థానంలో హోస్ట్‌గా సమంత రంగంలోకి దిగబోతున్నారని అఫీషియల్ అనౌన్స్‌మెంట్ చేసింది బిగ్ బాస్ యాజమాన్యం. ప్రోమో వీడియో రిలీజ్ చేసి బిగ్ బాస్ అభిమానులకి కొత్త ఉత్సాహాన్ని నింపారు.
నాగార్జున కరోనకు ముందే కొన్ని సినిమాలకు కమిటై ఉన్నారు. లాక్ డౌన్ కారణంగా ఆగి ఉన్న సినిమా షూటింగ్ లు ఒకటేసారి షూటింగ్స్ రీ ఓపెన్ కావడంతో కాస్త బిజీ అయ్యారు. ఈ మేరకు కొన్ని రోజులుగా అటు బిగ్ బాస్, ఇటు సినిమా షూటింగ్స్ బ్యాలెన్స్ చేస్తూ వస్తున్న నాగార్జున, రానున్న రెండు వారాల్లో మాత్రం బిగ్ బాస్ తెరపై కనిపించను అంటూ ఒక వీడియో రిలీజ్ చేశారు. ప్రస్తుతం మనాలీలో ‘వైల్డ్ డాగ్’ మూవీ షూటింగ్‌లో ఉన్నాను, కొన్నిరోజుల తర్వాత కలుద్దామని చెప్పారు.
అదే నిజమంటూ ఓ వీడియో రిలీజ్ చేసింది బిగ్ బాస్ మేనేజ్‌మెంట్. దసరా స్పెషల్ ఎపిసోడ్‌లో బిగ్ బాస్ హోస్ట్‌గా నాగార్జున బదులుగా సమంత కనిపించనుందని కన్ఫమ్ చేశారు. అక్టోబర్ 24 సాయంత్రం 6 గంటలకు బిగ్ బాస్ 4 దసరా స్పెషల్ ఎపిసోడ్ ప్రసారం కానుందని, ఇందులో సమంత సందడి చూసి ఎంజాయ్ చేయండంటూ షార్ట్ వీడియో రిలీజ్ చేశారు.
