Sarkaru Vaari Paata: మహేష్ బాబు ఫ్యాన్స్‌కి గుడ్ న్యూస్ వ‌చ్చేసింది. ఈ గుడ్ న్యూస్ పై మహేష్ బాబు ఫ్యాన్స్ ఓ రేంజ్ లో హ్యాపీగానే ఫీల‌వుతున్నారు. అస‌లు ఇంత‌కీ మహేష్ ఫ్యాన్స్ ఆ గుడ్ న్యూస్ ఏంటో చూస్తే. పరశురామ్ దర్శకత్వంలో మహేష్ బాబు హీరోగా న‌టించిన తాజా చిత్రం ‘సర్కారు వారి పాట’. ఈ చిత్రం మే 12న ప్రపంచ వ్యాప్తంగా గ్రాండ్ రిలీజ్ అయిన విషయం అందరికీ తెలిసిందే. ఈ చిత్రం వంద కోట్ల క్లబ్ లో చేరి మహేష్ కెరీర్‌లో వ‌న్ ఆఫ్ ది బిగ్గెస్ట్ అండ్ హిట్ మూవీగా నిలవడం విశేషం.
అభిమానులకు గుడ్ న్యూస్:
సర్కారు వారి పాట చిత్రం మహేష్ బాబు క్రేజ్ ని మరో మెట్టు ఎక్కించిందనే చెప్పాలి. ఈ చిత్రం ద్వారా మహేష్ బాబుని అభిమానులు వేరే కోణంలో తొలిసారిగా చూశారు. క‌ర్నూలులో జ‌రిగిన సర్కారు వారి పాట స‌క్సెస్ మీట్‌లో మహేష్ బాబు స్టేజ్ పైకి వెళ్లి స్టెప్పులేశాడు. మహేష్ స్టేజ్ పైన స్టెప్పు వేశారంటే మరి ఈ సినిమా స‌క్సెస్ త‌ను ఊహించని సంతోషాన్నిచ్చిందనే చెప్పాలి. మరో పక్కన థియేట‌ర్స్‌లోకి వెళ్ళి ‘సర్కారు వారి పాట’ చూడ‌లేని ప్రేక్ష‌కులు, ఓటీటీలోకి ఎప్పుడు వ‌స్తుందా? అని ఎదురు చూసే అభిమానులకు ఓటీటీ సంస్థ గుడ్ న్యూస్ ఇచ్చింది.
అభిమానులకు బంపర్ ఆఫర్
‘సర్కారు వారి పాట’ ఓటీటీలోకి ఎప్పుడో వ‌చ్చింది. ప్ర‌ముఖ ఓటీటీ సంస్థ అమెజాన్ ప్రైమ్ సర్కారు వారి పాట చిత్రాన్ని పే ఫ‌ర్ వ్యూ లెక్క‌లో రూ.199లకు చూసేందుకు అందుబాటులోకి తీసుకొచ్చింది. అయితే ఈ పద్ధతిని రెగ్యుల‌ర్ స‌బ్‌స్క్రైబ‌ర్స్ వెతిరేకించారనే చెప్పాలి. కొత్తగా చూసేవారికి ఓకే, ఆల్‌రెడీ స‌బ్ స్క్రిప్ష‌న్ తీసుకున్న వారికి ఇదేంటి అని ప్రశ్నించారు. తాజాగా ప్రస్తుతం అమెజాన్ ప్రైమ్ పే ఫ‌ర్ వ్యూ పద్ధతిని రద్ధు చేసి ఎలాంటి ఎక్స్‌ట్రా ఛార్జీలు లేకుండా సర్కారు వారి పాట చిత్రాన్ని స‌బ్ స్క్రైబ‌ర్స్‌కి ఫ్రీగా చూసే పాత పద్దతిని అందుబాటులోకి తీసుకొని రానున్నది. జూన్ 23 నుంచి ఈ సినిమా అమెజాన్ ప్రైమ్‌లో స‌బ్ స్క్రైబ‌ర్స్‌ లకు అందుబాటులో ఉండ‌నుంది. ఈ విషయంలో మహేష్ ఫ్యాన్స్ ఉచ్చహంలో ఊగిపోతున్నరు. అంతే కాదు సర్కారు వారి పాటను కేవ‌లం తెలుగులోనే కాకుండా త‌మిళ, మ‌ల‌యాళ వెర్ష‌న్‌ను కూడా అమెజాన్ అందించ‌నుండ‌టం మహేష్ బాబు అభిమానులకు డబుల్ కిక్ అనే చెప్పాలి.
సర్కారు వారి పాట చిత్రాన్ని 14 రీల్స్ ప్ల‌స్‌, జీఎంబీ ఎంట‌ర్‌టైన్‌మెంట్ ప్రై.లి, మైత్రీ మూవీ మేకర్స్ సంస్థ‌లు నిర్మించగా. పరశురామ్ దర్శకత్వంలో చిత్రాన్ని తెరకెక్కించారు. ఈ చిత్రంలో కీర్తి సురేష్ హీరోయిన్‌ గా సముద్ర ఖ‌ని ప్ర‌తినాయ‌కుడిగా న‌టించారు. మహేష్ బాబు హీరోగా రెండు సినిమాలు కమిట్ చేశారు. ఒకటి త్రివిక్ర‌మ్ దర్శకత్వంలో తదుపరి చిత్రం చేయ‌డానికి మహేష్ బాబు రెడీ అయ్యారు. త్వ‌ర‌లోనే ఈ సినిమా సెట్స్ పైకి వెళ్ల‌నుంది. రెండోది రాజ‌మౌళి త‌న నెక్ట్స్ సినిమాను మహేష్‌తో చేయ‌బోతున్న సంగ‌తి అందరికీ తెలిసిందే.
