Vijay: ఒక్క పాన్ ఇండియా సినిమా కూడా ఇప్పటికి లేకపోయినా, ఎంతో మంది బాలీవుడ్ స్టార్లను, టాలీవుడ్ పాన్ ఇండియా స్టార్ లను వెనక్కి నెట్టి భారతీయ సినిమాల్లో తానే కింగ్ అని మరోసారి నిరూపించుకున్నాడు తలపతి విజయ్. అతను ‘ఓర్మాక్స్ స్టార్స్ ఇండియా లవ్స్’ మోస్ట్ పాపులర్ మేల్ (మగ) ఫిల్మ్ స్టార్స్ ఇన్ ఇండియా (జూన్ 2022)’ జాబితాలో అగ్రస్థానంలో విజయ్ ఉన్నాడు.
టాప్ 5 స్థానాల్లో విజయ్, ప్రభాస్, యష్, అల్లు అర్జున్, జూనియర్ ఎన్టీఆర్ ఉన్నారు. 6వ స్థానంలో అక్షయ్ కుమార్ మాత్రమే టాప్ 10లో ఉన్న ఏకైక బాలీవుడ్ నటుడు, మిగిలిన స్లాట్‌లను మహేష్ బాబు, అజిత్ కుమార్, రామ్ చరణ్ మరియు సూర్య భర్తీ చేశారు.
అలియా భట్, దీపికా పదుకొనే మరియు కత్రినా కైఫ్ వంటి బాలీవుడ్ హీరోయిన్స్ తమ ఉనికిని చాటుకుంటున్నప్పటికీ ఓర్మాక్స్ కొన్ని వారాల క్రితం అత్యంత ప్రజాదరణ పొందిన హీరోయిన్ల జాబితాను విడుదల చేసింది. భారతదేశంలో అత్యంత ప్రజాదరణ పొందిన చలనచిత్ర మహిళ తారల జాబితాలో సమంతా రూత్ ప్రభు అగ్రస్థానంలో ఉన్నారు (జూన్ 2022).
